Абай мен Мағжан оқулары аудандық деңгейде өтті.

     Жаһандық білім алудың биік шыңы ұлттық руханиятымызды асқақтатып, ата-бабамыздан қалған асыл мұраны бүгінгі ұрпаққа жеткізу.  Жастардың бойына Отансүйгіштікті ұялату мен патриоттық сезімін ояту Абай мен Мағжан шығармаларын оқытудан басталғаны жөн деп білеміз.

2023 жылдың 26 сәуір күні аудандық деңгейде Абай мен Мағжан оқулары өтті. Мектебімізден 9 оқушы қатысты. Абай оқулары бойынша 6 номинацияның ішінен  «Өлең –сөздің патшасы, сөз сарасы»  атты  номинацияда 7 «Б» сынып оқушысы Забоева Ангелина 2 орынды иеленсе, 7 «Б» сынып оқушысы Таболько Виолетта және 9 «Б»  сынып оқушысы Войт Елизаветта 3 орынды иеленді. «Абайдың қара сөздері» номинациясында 7 «А» сынып оқушысы Марат Мейіржан 3 орынды қанжығасына байлады. «Көңілім әнді ұғады» номинациясында 9 «Б» сынып оқушысы Брикман Ольга 2 орынға ие болды.  Мағжан оқуларының «Өлең – менің Шолпаным, Айым, Күнім» номинациясында 9 «Б» сынып оқушысы Андрященко Милана 2 орынды иеленсе,  5 «А» сынып оқушысы Марат Аягөз 3 орынға ие болды. Мектебіміздің үстемін көтерген  оқушыларымызға мықты денсаулық, бақыт, оқуда озат болуын тілейміз!